O Proxecto Desafíos Jovens, liderado pola Cámara de Comercio, é unha iniciativa coa que se pretende poñer en contacto o talento que existe no noso territorio coas empresas e negocios que precisan cubrir postos de traballo. O mércores 4 de novembro, terá lugar no Centro de Estudos Avanzados (CEA) unha sesión informativa e unha xornada de sensibilización dirixidas a empresas e persoas interesadas.
A idea parte dunha premisa: existe moita xente preparada que non atopa oportunidades laborais, e hai moitas empresas que non son capaces de cubrir vacantes. O que se vai compartir nestes eventos son as ferramentas que se crearon como proposta para unir estas dúas realidades, con metodoloxías prácticas e adaptadas a cada colectivo.
