María José Piñeira presenta o programa da xornada científica «Os desafíos do turismo sostible»

No marco do convenio asinado entre o Grupo ANTE e o Concello de Santiago, María José Piñeira participou nunha rolda de prensa na Casa do Concello, en Santiago, convocada por Míriam Louzao, concelleira de Capital Cultural e Turismo, para avanzar as principais conclusións dos foros de turismo que se celebraron no mes de novembro. Estes foros fixeron parte do Pacto Local por un Turismo Sostible, no marco do Plan de Sostibilidade turística de Santiago de Compostela.

María José Piñeira presentou o programa da xornada científica «Os desafíos do turismo sostible», que terá lugar o vindeiro 14 de xaneiro na Facultade de Xeografía e Historia. Nesta actividade abordaranse os retos aos que se enfronta o turismo para garantir a súa sostibilidade, relacionados coa vivenda, gobernanza, mobilidade e economía local.

Scroll al inicio