O vindeiro 29 de maio celebraranse as I Xornadas de Ciencia Aberta e Ciencia Cidadá, organizadas polo decano da Facultade de Filosofía, Xavier de Donato, membro do consello científico do Instituto de Investigación de Humanidades (iHUS). Concibidas como unha actividade conxunta dos centros de investigación iHUS e IDEGA, terán lugar no Centro de Estudos Avanzados da Universidade de Santiago de Compostela (USC).
A finalidade é abrir un espazo de reflexión e diálogo arredor dos retos e oportunidades da ciencia aberta e da ciencia cidadá, contando coa participación de persoas expertas de referencia no ámbito universitario e investigador. Entre as intervencións programadas destacan a conferencia de Pilar Rico Castro, Xefa da Unidade de Ciencia Aberta da Fundación Española para la Ciencia y la Tecnología (FECYT), así como a mesa redonda “Ciencia Aberta e Ciencia Cidadá”, na que participarán representantes da USC, do CSIC e da Universitat de Barcelona.
Para asitir é necesario completar o formulario de inscrición.
Podes descargar aquí o programa completo.
